ريم و مريَم
قصيدة

جاوني زوج بنات فل منام
ريم و مريَم كي الـحوريّات
و آنا الـمهموم الـسّاهي

ريم شعرها كحل كي الـتوت و تهدر بل معاني
قالت شي كلام لي بيه حيّرتني
جاوبَتها مريَم بل عود لا كلام
غير ب هوا رقيق و يـماجي

و آنا نتبّع فل لعب نسيت همايمي
و غمّرت فل غيس الـدّافي

بعد شي دقايق فطنتْ و آنا وحدي
لا ريم لا مريَم معايا
لا فكار لا همّ ف بالي
مستغل فل الّي كان ف حوالي
تغراد الـمقنين و الواد الجاري
الّي منل بديَة و هوما حدايا